Sulmet në veri, ShSKUK ngrit gjendjen e gatishmërisë në spitale

10:33 | 24 Shtator 2023
E.H

Shërbimi Spitalor dhe Klinik Universitar i Kosovës (ShSKUK) njofton se ka ngritur gatishmërinë në QKUK dhe Spitalet e përgjithshme pas ngjarjeve në veri të vendit.

Gatishmëria është ngritur në Qendrën Klinike Universitare të Kosovës, Spitalin e Përgjithshëm të Mitrovicës dhe atë të Vushtrrisë.

Njëkohësisht, ShSKUK njofton se mbrëmë mjekët e Spitalit të Mitrovicës dhe pastaj ata të QKUK-së, kanë trajtuar policët e plagosur të cilët pas ekzaminimeve mjekësore dhe ndërhyrjeve të nevojshme janë jashtë rrezikut për jetë.

ShSKUK shpreh ngushëllime të thella për familjen e policit të vrarë dhe të plagosurve ju uron shërim të shpejtë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm